नांदेडमध्ये हृदयस्पर्शी घटना घडली असून आईने स्वतःची किडनी दान करून मुलाला नवजीवन दिले आहे. शहरातील श्री गंगा हॉस्पिटल येथे ही किडनी प्रत्यारोपण शस्त्रक्रिया यशस्वीरीत्या पार पडली.
मुलाची किडनी निकामी झाल्यामुळे त्याची प्रकृती गंभीर होती. डॉक्टरांनी किडनी ट्रान्सप्लांटचा सल्ला दिल्यानंतर आईने पुढाकार घेत किडनी दान करण्याचा निर्णय घेतला.
तज्ञ डॉक्टरांच्या मार्गदर्शनाखाली शस्त्रक्रिया यशस्वी झाली असून आई आणि मुलाची प्रकृती स्थिर आहे. या घटनेमुळे अवयवदानाचे महत्त्व पुन्हा अधोरेखित झाले आहे.